User login

Shout Box

There are no shouts to view.
Login or register to post shouts
All Shouts

Recent comments

Who's new

  • Acma
  • nxkwwwblazerod
  • translatornauseating
  • fidelisadjei
  • baronfake

This Fanon paddy...

Posted by paa.kwesi on Sun, 04/17/2005 - 02:35

Before I start I go pose you question? You dey object say I dey write in pidgin? Make I know for the comments inside...

I no shedaa know if you hear of Frantz Fanon before anaa? But the paddy be power-man! He talk many sensible tings wey estrike me say I go fit to share some of dem ideas.

Me constant say I dey aa, I dey have this nagging feeling say despite all wanna chaw talk, we no dey go anywhere. We no dey make any original steps koraa. Emake like we dey fear sef. Ghana for example: ebe like we just dey wan turn am into another america. Nobody dey see say America, den all dem so-called Western bloc no be good examples give we? For America to be rich, somebody for be poor... Do this quiz then see: http://www.earthday.net/footprint/index.asp
If we all start live like Americans aa, the earth no go fit handle am. Apart from that, America too have in own problems. One of den problems be public squalor versus private opulence. Even though most parts be ok, more yards be nasty whereas some other posses dey live in fantastic neighborhoods. That no shedaa be dangerous for a place where dema middle class be large. But transport such an idea to Ghana den trouble... Few obscenely rich people and many poor people. That just be the recipe for armed robberies and Ataa Ayis, no be so?

What I dey come talk no be new filla: I dey take the quote from the Language Dialog posting a few days ago:
Comrades, let us not pay tribute to Europe by creating states, institutions and societies which draw their inspiration from her.Humanity is waiting for something other from us than such imitations which wouldbe almost an obscene caricature.If we want to turn Africa into a New Europe... then let us leave the destiny of our countries to Europeans. They will know how to do it better than the most gifted of us. The Wretched of the Earth

Simple and short--we no go anywhere if we keep doing this experiment of copying the West. Maybe we go increase wanna GDP den all the economic markers that dey jorm the World Bank, but we never go be happy. We never go fit talk wanna body say "we too come catch", simply because, for as long as we keep copying, the West will keep innovating for us to copy. As we all dey talk more times, we for adapt the things worth adapting. Make we no fear anything. "Development" no for be wanna goal. Who wey edefine "Development"? You den I know say eno be we. Make we strive for satisfaction with wanna body. Make we follow the things that dey bring us true enjoyment. Make we no censor wanna body say "Oh, that is not the proper way, this pidgin, ain't it?" From today, I dey speak Brɔfo. This be Ble. What say you?